Irungo 26 urteko mutil bat hil da Frantzian, Tourmaleten eskiatzen ari zela erorita, La Semaine des Pyrénées-ek bere webgunean argitaratu duenez. Snowboard egiten ari zen gaztea.
Ezbeharra 13:10 aldera izan da, Bareges aldean. Gorpua Tarbera eraman dute.
Nafarroan ere izan da mendi batean ezbeharrik: gizon bat erori Etxauri gainean, eta larri zauritu da. Guardia Zibilak erreskatatu du, helikoptero bat erabilita. Nafarroa erietxera eraman dute.
