Istripua izan da Derion, eta motozale bat zendu da

BILBO. Errepide ezbehar larria izan zen atzo Derion (Bizkaia), BI-631 errepidean. Motor batek eta furgoneta batek elkar jo, eta motorreko gidaria hil egin zen. Osasun zerbitzuek ezin izan zuten onera ekarri. Furgonetako gidaria ere erietxera eraman zuten, egindako zauriak artatzeko. Errepidea itxita egon zen, eta zirkulazioa BI-3715 errepidetik bideratu behar izan zuen Ertzaintzak.