Elurra iritsi da, eta, herrietako kaleez gain, errepideak ere zuritu ditu; portu garaienetan, ondo zuritu ere. Ondorioz, hainbat arazo eragin ditu sasoiko lehen elurteak. N-1 errepideko Etzegarate mendatea itxita egon da goizeko lehen orduetan, eta moztu egin dute A-15 autobidea ere bi noranzkoetan.
Arratsaldean zabaldu dituzte, baina trafikoa motel ibil da, eta arreta eskatu diete errepide horietatik ibili behar dutenei. Eusko Jaurlaritzako Segurtasun Sailak galdegin du ezkerreko lerroa libre uzteko, elur makinen lana errazteko.
Gauean ere jarraitu dute ekaitzek han-hemenka, eta toki batzuetan oso gogor bota du gainera. Zestoan, tximista batek bete-betean jo du herriko elizaren kanpandorrea, eta suntsitu egin du, desegin.
Tximista batek Zestoako elizaren kanpandorrea txikitu du. @berriapic.twitter.com/alDxelS83l
— Mikel Lizarralde (@mikellizarralde) 2017(e)ko abenduak 1
Bestalde, bost kilometroko autoilarak osatu dira Deban (Gipuzkoa), A-8 autobidean, Bilboko noranzkoan. Lurjausi baten ondorioz lerro bat itxita egon goizeko lehen ordutik. Horrez gain, handik ez oso urruti, A-8 errepideko Zumaiako irteeran, errepidea hondoratu egin dela jakinarazi dute suhiltzailleek.
Peaje de Zumaia. Carretera hundida, extremar precacuciones, insistimos, si no es necesario mejor vehículo aparcado #suhiltzaileak en la zona ðŸšÂÂÂÂÂÂÂÂÂ’ pic.twitter.com/tFSTQZn9cF
— Bomberos Euskadi (@BomberosEuskadi) 2017(e)ko abenduak 1
Urretxun (Gipuzkoa), berriz, zuhaitz bat erori, eta GI-631 errepidearen bi lerroak oztopatu ditu.
Segurtasun Sailak arreta berezia eskatu du Arabako lautadan ere, A-1 autobidean, Asparrena inguruan, eta Gasteiz eta Altube mendatearen arteko N-622 errepidean. Elurrak bidea estalti du inguru horietan.
Bizkaian, ez dira horren arazo larriak gertatu, baina errepide batzuetan ur putzu handiak osatu dira, eta horietan ere kontuz gidatzeko eskatu dute.
Cordovillan, Iruñerrian, istripu bat izan dute ibilgailu batzuek, elkarren kontra jota, eta bi pertsona zaurituta eraman dituzte ospitalera.
Larunbatean, elur maila behera
Itsas bazterreraino egin du elurra ostiralean, eta hondartza batzuk zuritu ere egin ditu, Zarautzen adibidez, Gipuzkoan. Donostian bertan ere ikusi dute elurra. Ibiltzeko arazo handienak, ordea, Gasteizen eta Iruñean sortu dira.
Elur mailak behera egingo du datozen orduetan, Euskalmetek jakinarazi duenez. Gipuzkoan, elurra 100-300 metro ingurura jaistea espero da, eta beherago ere egin dezake. Bizkaian, berriz, 300-400 metrotara iritsiko da, eta Araban lurralde osoa zuritzea espero da.
Horra, elurrak gaur utzi dituen irudi batzuk:
Euskal kostaldea zuritzen hasi zaigu...
— San Juan Koxtape A.E (@sanjuan_koxtape) 2017(e)ko abenduak 1
☃☃â„â„ @zarautz
Asteburu on eta goxoa pasa dezazuela!!@Euskalmet #elurra#nieve#gipuzkoa#arroxa pic.twitter.com/6T0eawdw3n
Ongi etorri abendua! #nafarroa#elurra#PasandoNieve#sarrigurenpic.twitter.com/jTtA0N6PxU
— Martx (@Marta_Iriarte) 2017(e)ko abenduak 1
Elurra mara-mara #Orio ko erriuan pic.twitter.com/MhKn68Y5EI
— ibiltarixa (@ibiltarixa) 2017(e)ko abenduak 1
Mendialdean bizi eta lanera joan behar ez izatearen gozamena #elurra#Gaztelupic.twitter.com/T2ahkZKaMR
— EiderOlazarElduaien (@eiderolazar) 2017(e)ko abenduak 1
#Aian ere elurra!! @eguraldia@Euskalmetpic.twitter.com/X85XFgLvi6
— Onintze Salazar (@onintzesalazar) 2017(e)ko abenduak 1
A-1 oraintxe bertan #etzegarate#elurrapic.twitter.com/JUlLrMRA0W
— El Koko (@hasiergonzalez) 2017(e)ko abenduak 1
#elurra mara mara Ermuan pic.twitter.com/Y0toKA6TTW
— Edorta Gisasola (@egisasola) 2017(e)ko abenduak 1
#elurra agertu da Iruñen!! pic.twitter.com/OGYj7FFXfc
— iDoia Zabaleta (@izargiphoto) 2017(e)ko abenduak 1
