Basauriko (Bizkaia) Iberdrolan piztutako sutea itzali dutela jakinarazi die enpresak berri agentziei. Suak 3.000 bat bezeroren hornikuntza eten du hainbat orduz gauean. Goizeko bederatzietarako, guztiz berrezarri da, sare adimendunei eta gertuko azpiestazioei esker. Sutearen jatorria zein izan den ikertzen ari dira.
Goizeko bederatzietan lortu dute kontrolatzea suhiltzaileek. Sutea hasi zenean, suhiltzaileak, Ertzaintza eta Iberdrolako teknikariak joan ziren estaziora. Iberdrolako kideak kalteak ebaluatzen ari dira, konpontzea zenbat kostatuko den jakiteko.