Maiatzaren 2az geroztik daukate bakartuta Itziar Moreno, eta horren aurkako protestan, hamargarren gose greba eguna dute Fresnesko espetxeko (Frantzia) euskal presoek. Horiei elkartasuna adierazi eta Morenoren bakartzea amai dadila eskatzeko, protestak abiatu dituzte Osnyko kartzelako euskal presoek ere.
Hilaren 17tik, baraualdian dira presoak, txandaka; egunero bat egiten ari da gose greba, eta hala jarraitzeko asmoa dute Moreno bakartze egoeratik ateratzen duten arte. Gainera, eskutitzak bidaliko dizkiete Fresnes nahiz Osnyko presondegietako zuzendaritzei, Laurence Le Vert instrukzio epaileari eta Jean-Jacques Urvoas Frantziako Justizia ministroari.
Fresneseko presoek egin bezala, Osnykoek ere euskal herritarrei eskatu diete idatz diezaiotela gutuna Fresneseko espetxeko zuzendaritzari Morenoren egoeraren aurrean kexa adierazteko.
