Izabako (Nafarroa) 54 urteko mendizale bat hilik topatu du arratsaldean Guardia Zibilak Pirinioetako Petrechema mendian, Espainian, Nafarroako mugatik hurbil. Elur jausi batek harrapatu du. Atzotik zebiltzan haren bila Anie eta Ezkaurre mendien inguruetan. Elur jausi baten berri izan du Poliziak, eta han miatzen hasi direnean aurkitu dute mendizalearen hilotza.
Bestalde, Bilboko 46 urteko mendizale bat hil zen asteburuan Anbototik (Bizkaia) amilduta. Eusko Jaurlaritzako Herrizaingo Sailak jakinarazi duenez, larunbatean hasi ziren haren bila, eta igande eguerdian topatu zuten, hilik.
