Izena emateko epea bihar irekiko dute Araban, Bizkaian eta Gipuzkoan

Haur Hezkuntzan 2 urtetik aurrera, Lehen Hezkuntzan eta Derrigorrezko Bigarren Hezkuntzan izena emateko epea bihar irekiko dute Araba, Bizkai eta Gipuzkoako ikasleentzat. Eusko Jaurlaritzako Hezkuntza Sailak eskatu du ahal dela Internet bidez betetzeko matrikula, www.hezkuntza.net atarian. Eskariak Internetez aurkezteko epeaotsailaren 9an bukatuko da, eta ikastetxean bertan egin nahi dutenek otsailaren 10era arte izango dute denbora. Otsailaren 16rako emango dute argitara eskatzaileen zerrenda, eta martxoaren 9rako erabakiko dira eskariak; gurasoek aukera izango dute helegiteak jartzeko, martxoaren 21a bitartean. Nafarroan, otsailaren 6an hasiko da izena emateko epea.