Jaizkibel konpainiak ohar baten bidez salatu du Hondarribiko Udalak (Gipuzkoa) onartutako mozioak "berdintasunerako, elkarrizketarako eta irtenbideak bilatzeko deia egin beharrean, bazterketaren aldeko jarrera" duela.
EAJk, PPk eta H1ek babestu zuten mozioa, alarde baztertzaileari sostengua adieraziz. Jaizkibelek kritikatu du horretan ez direla aipatzen euren alardean izaten diren "irainak, plastiko beltzak eta onargarriak ez diren beste jarrera batzuk".
"Testu horren onarpenarekin herritarrak nahastu nahi dituzte, eta Eusko Jaurlaritzak egindako inkestaren emaitzak ezkutatu". Inkesta horrek zioen herritarren %72ek irtenbide baten aldeko jarrera dutela.
