Jarraipen handia izaten ari da Beran Altzugurenen heriotza salatzeko greba eguna

Jose Angel Altzugurenen heriotza salatzeko mobilizazioak egiten ari dira gaur Euskal Herrian. Beran greba eguna dute, eta Oskar Goñi Beraiñez plataformako kideak azaldu duenez, "erabateko jarraipena" izaten ari da greba: "saltokiak eta herrigunea erabat itxita daude". Gainera elkarretaratze jendetsua egin dute eguerdian, eta sektore guztietako jendeak parte hartu dutela azaldu du Goñik. Bortzirietan, berriz, bi orduko lan uztea egiteko deia egin zuten sindikatuek, eta LAB sindikatuak jakinarazi duenez, %60 inguruk jarraitu du deia.