Ramon Jauregi Espainiako Lehendakaritza ministroak gaur goizean esan du ez dagoela Espainiako Konstituzioa aldatzeko erreferendum beharrik, hautesleek azaroaren 20ko hauteskundeetan bozkatu dezaketelako: "Hauteskundeak horretarako daude: ez alderdi batzuk saritu eta beste batzuk zigortzeko", esan du Onda Vasca irratian.
Gaur Espainiako Senatuan tramitatuko dute erreforma. Jauregik ukatu egin du Konstituzioaren aldaketa lurralde historikoen eskubideak zalantzan jartzen dituenik. "Ez da ezer aldatuko, erkidego bakoitzak bere aurrekontuak kudeatuko ditu", gaineratu du.
