Eusko Jaurlaritzako Ingurumen Sailak bost eguneko epea eman dio Azkoitiko Oinartxo zabortegiari Urola ibaira lixibiatuen tratamendurik gabe ezer isurtzea saihesteko neurriak hartzeko. Arantza Leturiondo sailburuordeak Hierros Eguino enpresari jakinarazi dio "premiaz" informa dezala Jaurlaritza hartutako neurriei buruz. Bestela, gobernuak berak hartuko ditu neurriak, enpresaren kontura.
2008ra arte Hierros Eguino izan zen Oinartxoren jabea. "Legez eta kontratuz, hari zegokion zabortegiko lixibiatuen tratamendua, baina hasieratik uko egin dio bere betebeharrak betetzeari", esan du aste honetan Azkoitiko Udalak.
Halaber, udalak adierazi du Oinartxoko zabortegia dela Araba, Bizkai eta Gipuzkoako zabortegien artean gehien kutsatuta dagoena.
