Eusko Jaurlaritzako Garapen Ekonomikoko eta Lehiakortasun Sailaren arabera, "bide onetik" ari dira lanean Zumarragako ArcelorMittaleko zuzendaritza eta langileen ordezkariak: "Ekoizpen maila hobetzeko pausoak ematen ari dira, eta, gehienbat, ekoizten den horren lehiakortasuna hobetzeko".
Sailak eskerrak eman dizkie ArcelorMittali eta langileei akordio bat lortzeko egin duten ahaleginagatik, eta gogorarazi du aldi baterako itxieraren berri izan zutenean Arantza Tapia sailburuak ahalegin hori eskatu ziela langileei zein zuzendaritzari.
