Josu Erkoreka Eusko Jaurlaritzako bozeramaileak eman du Espainiako Gobernuaren erabakiaren berri. PPren gobernuak Euskal Autonomia Erkidegoko Auzitegi Nagusiari eskatu dio bertan behera utz dezala deialdia.
Espainiako gobernuak Ertzaintzaren Lan Eskaintza Publikoari errekurtsoa jarri du eta prozesuaren eten kautelarra eskatu du @Irekia
— Josu Erkoreka (@jerkoreka) September 30, 2014Helegitea aurkezteak ez du zuzenean lan eskaintza publikoa baliorik gabe uzten, Erkorekak azaldu duenez. Gaineratu du Jaurlaritzak lan eskaintza aurrera eramateko "asmo irmoa" duela, eta iragarri du epaitegiak laster hartu beharko duela erabaki bat, urriaren 10ean egingo baitute euskara azterketa prozesuan jarraitzen duten 275 hautagaiek.
Erkorekak larritzat jo du Espainiako Gobernuaren helegitea, iritzita Ertzaintzaren antolaketaren inguruko "ezagutzarik eza" erakusten duela. Gainera, "autogobernuaren kontrako neurria" dela adierazi du Erkorekak.
