Isabel Zelaa Eusko Jaurlaritzako Hezkuntza sailburuak berretsi du exekutiboak "[EAEko] autogobernua defenditzeko lanean" diharduela eta ez dituela osasuna, gizarte gaiak eta hezkuntza arloetako murrizketak onartuko. "Hezkuntza, etorkizuna da. Eta osasuna eta gizarte gaiek, berriz, herritarren zerbitzura egon behar dute".
Aitortu du "Euskadi ere sakoneko krisia" bizitzen ari dela, baina "ezkortasuna" bazterrean uzteko eskatu du. "Denok indarra eginda atera gaitezke aurrera". Gaur egun "alternatibak" badaudela uste du Jaurlaritzako sailburuak, politika guztiak ez direlakoan berdinak. "Merkelen politika ez da Hollanderen bera, ezta Raxoirena Lopezen bera ere".
Azpeitian egin ditu Zelaak adierazpenok, San Inazio festetako ekitaldi baten ostean. Harekin izan dira, besteak beste, Eneko Etxeberria alkatea eta Martin Garitano Gipuzkoako ahaldun nagusia.
