Carlos Agirre Eusko Jaurlaritzako Ekonomia eta Ogasun sailburuak gaur goizean adierazi du Kutxabank-en "oinarriak eta egitura nahikoa sendoak" direla, eta beraz, baztertu egin du Europari laguntza eskatuko dionik.
Hala ere, Agirrek esan du Kutxabank-ek CatalunyaBanc —enkantean— edo Nova Caixa Galicia esleituko balitu, laguntza eskatzeko aukera hori posible izango litzatekeela. Hala mintzatu da Radio Euskadin emandako elkarrizketan.
Agirrek salatu du EAJ Eusko Jaurlaritzaren kutxaren inguruan "zalantza sortzen" saiatu dela, eta berretsi du kontuen egoerak "ona" izaten jarraitzen duela.
