Jaurlaritzako hirukoak tira-birak izan ditu azkenaldian arartekoaren aukeraketa dela eta. Izan ere, EAJk Iñigo Lamarkaren izena filtratu zuen Gobernuko bazkideekin kontsultatu gabe, eta EA zein EB-IU haserretu egin ziren jarrera horrekin.
Nolanahi ere, EB-IUk joan den astean Lamarkaren hautagaitza babestuko zuela adostu zuen jeltaleekin, eta gaur EA batu zaio ekimenari. Hain zuzen ere, hiru alderdiek ekimen bateratua aurkeztu dute Legebiltzarreko erregistroan.
PSE-EEk hasieratik jakinarazi zuen ondo ikusten zuela Lamarka izatea hurrengo arartekoa.
Horrenbestez, kargurako hautatua izateko beharrezko dituen 45 botoetatik 49 bermatuta dauzka Lamarkak.
Azken lau urteetan Mertxe Agundez behin-behineko arartekoa izan da, Legebiltzarrean ez zelako behin-betikoa izendatzeko adinako adostasunik erdiesten.
Arartekoa
Jaurlaritzako Hirukoa ados jarri da, eta Iñigo Lamarka proposatu du ararteko izateko
Iñigo Lamarka Gehitu Gay eta Lesbianen Elkarteko lehendakari eta Gipuzkoako Batzar Nagusietako abokatua izango da EAEko hurrengo arartekoa. Izan ere, Jaurlaritzako hiru alderdiak —EAJ, EA eta EB-IU— ados jarri dira, azkenean, gai horren inguruan, eta Lamarkaren hautagaitza bultzatzen duen ekimena aurkeztu dute Legebiltzarrean. PSE-EE ere ados dago hautagaitza horrekin.
Iruzkinak
Ez dago iruzkinik
Ordenatu
