Jean Mattin Bilbao inkomunikatuta dauka Guardia Zibilak

Atzo arratsaldean atxilotu zuen Guardia Zibilak Jean Mattin Bilbao, eta ordutik inkomunikatuta daukate. Askatasuna jakinarazi duenez, Ziburun bizi den Bilbao, Bera eta Irun artean atxilotu zutenean bere neskalagunarekin zihoan eta hari Guardia Zibilek esan zioten Madrilera eramango zutela eta bost egunetan inkomunikatuta edukiko zutela. Askatasuna "kezkatuta" azaldu da Bilbaok egun hauetan "jasan dezakeen tratuagatik", eta Ziburun elkarretaratzea deitu du, 19:00etan portuan.