Jendarmeak etxe batera sartu dira, bikote baten itxialdiari amaiera emateko

Egundoko zalaparta giroa izan zen atzo arratsalde osoan Maule erdialdean, bikote bat, bi haurrekin, etxebizitza batean itxi egin zelarik eguerdi aldean eta, hainbat orduren buruan, Mont-de-Marsanetik (Landak) etorrarazitako Jendarmeriako unitate bereziak ekin zuelarik gertakariari amaiera emateko.

Antza denez, arazo psikikoak dauzkaten gizonezko batek eta emakume batek sekulako iskanbila sortu zuten, astearte gau osoan, Mauleko gurutze zuritik hurbil dagoen euren etxebizitzan. Auzolagunek eta udal agintariek salaketa eginda, Mauleko jendarmeak bikotearen bizitegira azaldu zirelarik, ez zieten atea ireki nahi izan. Azken batean, PSIG unitate bereziko jendarmeek ekin zuten 19:00ak irian, eta iskanbilari amaiera eman zioten.