BECeko bigarren, bosgarren eta seigarren pabiloiak egokitu dituzte hiru egunetan azterketak egiteko. 09:00etan, 12:30ean eta 16:30ean izango dira azterketak. Lan eskaintza publikoko 106 lanpostu motetatik 24ren azterketak izango dira hiru egunotakoak, eta, gainerako 82ak 2007ko otsailetik aurrera egingo dituzte.
Osakidetzak jakinarazi zuenez, 600 pertsona baino gehiago ari dira antolaketa eta zaintza lanetan. Behin azterketak eginda, hiru orduren buruan ope2006.osakidetza.net helbidean jaso ahal izango dituzte emaitzak. Herriz herri autobusak antolatu dituzte, eta Bilboko Metroak ere jakinarazi du gaur eta ostiralean zerbitzua indartu egingo duela. 07:25etik 09:00etara 10 minuturo egongo da metroa bi norabideetan, eta eguerdian eta 16:30etik 18:00etara ere tren zerbitzua indartu egingo dute, pilaketarik ez sortzeko. Nolanahi ere, pilaketak izan direla azaldu dute azterketa egitera joan direnetako batzuk.
Gizartea
Jende ugari gerturatu da BECera Osakidetzako oposizioak egitera
Txiki gelditu da gaur BECeko aparkalekua. Jende ugari bertaratu da Osakidetzako oposizioak egitera, eta aparkalekuak gainezka egin du. Bilboko Metroak metroz joateko deia egin zuen, baina azterketa egitera joan direnetako batzuk kexatu egin dira zerbitzua eskasa izan dela iritzita. Lehen fasean, 70.471 lagun aurkeztu dira 2.600 lanpostutarako. Ostiralera bitartean egingo dituzte azterketak.
Iruzkinak
Ez dago iruzkinik
Ordenatu
