Beasainen (Gipuzkoa), Loinazko San Martin plazan, elkarretaratze jendetsua egin dute, Asmube elkarteak antolatuta, joan den ostiralean izan zen sexu erasoa salatzeko. Ertzaintzak gizon bat atxilotu zuen, adingabe bati sexu erasoa egiten saiatzea egotzita.
Beasaingo Udalak bat egin du Asmuberen deialdiarekin. "Herrian izandako eraso sexistaren aurrean bere gaitzespena eta salaketa" adierazi du udalak. "Genero bereizketatik datorren edonolako eraso eta giza eskubideen urraketa onartezina da", gaineratu du.
