Patxi Lopez Eusko Jaurlaritzako lehendakariak ohar bidez jakinarazi du Jesus Loza izango dela elkarbizitza eta memoria sustatzeko arduraduna. Joan den ostegunean jakinarazi zuen Jaurlaritzak figura hori sortuko zuela.
Lehendakariaren esanetan, "eginkizun horren ardura hartzeko pertsona egokiena da, bere ibilbide politiko eta profesionalagatik, baita terrorismoaren biktimen alde eta askatasunaren aldeko borrokan erakutsitako konpromisoagatik".
Loza PSE-EEko legebiltzarkidea da eta Fernando Buesa Blanco Fundazioko presidenteordea.
