JIMENEZ, UDALEN ORDEZKARIEKIN

Roberto Jimenez Nafarroako Gobernuko Presidentetza, Administrazio Publiko eta Barne sailburuak eta Jesus Maria Garcia Anton Nafarroako Udal eta Kontzejuen Federazioko presidenteak bilera bat egin zuten, atzo, Iruñean, eta biak ala biak «ziur» azaldu ziren legealdian akordioak lortuko dituztela. Besteak beste, datozen lau urteotan udalen finantza egoera aztertuko dute, eta alkateen soldatei buruzko taula bat osatuko dute.