Egun handia dute gaur Iturenen, inauteriak ospatzen ari baitira. Gaur egin dute lehen irtenaldia joaldunek: Zubietakoak eta Aurtitz auzokoak Iturenera joan dira. Bihar kontrako bidea egingo dute: Iturengo joaldunak Zubietara joango dira.
Urtero bezala, urtarrileko azken astelehenean jendez bete dira Iturengo kaleak, joaldunen ibilbidea ikusi eta joare hotsa entzuteko. Eguraldia ez dute alde gaur, baina, hala ere, jende ugari bildu da herriko bazterretan. Hamaiketakoa egin ondoren hasi dira herritarrak joare, ttuntturro eta isipuak janzten. Eta ondoren ekin diote ibilaldiari.
