Joan Tarda ERCko diputatuak Otegi askatzeko eskatu du Kongresuan

Joan Tarda ERCko diputatuak Arnaldo Otegi askatzeko eskatu du Espainia Kongresuan. "Bakearen alde ariketa garrantzitsua litzatekeelakoan nago, adiskidetasunaren alde, gure historian egin ditugun akatsak gainditzearen alde, bakearekin konprometitu den pertsona bat kartzelan ez egotea. Horregatik aupa Arnaldo, gora Iberiako herri guztien adiskidetasuna, gora Herrialde Katalanak askatuta", esan du. Gaineratu du ezingo dutela eragotzi estaturik ez duten nazioek autoderminazio eskubidea baliatzea.