Jose Antonio Pastor PSE-EEko bozeramaileak uste du Sortu legeztatzea "kalean jada errealitate dena legeztatzea" litzatekeela, eta alderdi sozialistak "egokia eta komenigarria" ikusten du Auzitegi Konstituzionalak erabakia "berehalakoan" hartzea.
Pastorren arabera, "datozen asteetan" hel daiteke erabakia.
Bateragune auzia-ri dagokionez ere, gaia "lehenbailehen" konpontzea espero du. "Aukera asko dago: Otegi absolbitzea, epaiketa artxibatuta geratzea baina beste epaiketa batzuengatik zintzilik dituen zigorrak aplikatzea, edo Bateragune auzia-gatik kondenatzea eta kartzelan jarraitzea", esan du. Hala ere, erabakia "segituan" hartzea espero du, Otegi kartzelan egoteak "biktimismoan lagundu" egiten duelako.
