Eusko Jaurlaritzak Jose Ramon Rekalde (Donostia, 1930) izendatuko du Bakerako Hezkuntza Plana gidatuko duen aholkulari batzordeko presidente. Rekalde Hezkuntza eta Justizia sailburu izan zen 1990eko hamarkadan, eta ETAk haren aurka atentatu zuen 2000. urtean. Zuzenbidean doktorea da, eta egun Deustuko Enpresaritza Fakultatean irakasle emeritu kargua du.
Bakerako Hezkuntza Plana gidatzeaz gain, Rekaldek gidatuko duen batzordearen zeregina izango da Arabako, Bizkaiko eta Gipuzkoako erakundeen bizikidetza politikak koordinatzea. Batzordean ordezkatuko dituzte, besteak beste: hiru aldundiak, udalak, EHU eta EAEko Eskola Kontseilua. Eusko Jaurlaritzako bozeramaile Idoia Mendiak adierazi du Rekalde «oso gogotsu» dagoela lanean hasteko: «Ez zuen zalantzarik izan kargua onartzeko. Ospe handiko pertsona da, eta esperientzia handia du giza eskubideen eta bakearen alorretan».
Jose Ramon Rekalde, Bake Hezkuntza Plana gidatuko duen batzordeko buru
Iruzkinak
Ez dago iruzkinik
Ordenatu
