Joseba Agudo abokatuak "euskal deportatu eta iheslarien aurkako jazarpena" bukatzeko eskatu du Espainiako Auzitegi Nazionalean, bere kontrako epaiketako saioan, "haiek etxerako bidea has dezaten". 2009ko urrian atxilotu zuten Agudo, Hendaian, iheslarien eta ETAren arteko lotura lanak egiten zituelakoan. Luis Barroso fiskalak bederatzi urteko kartzela zigorra eskatzen du harentzat.
"Nik egin nuen delitu bakarra deportatu eta iheslariak eta haien senideak laguntzea izan zen", esan du auzipetuak. ETAko kidea dela ukatu du, bide batez. Euskal Herrirako "bake justu eta iraunkorra" aldarrikatu du.
Javier Gomez Bermudez da epaimahaiburua.
