Brasilgo Poliziak Joseba Gotzon Vizan Gonzalez euskal iheslaria (Basauri, 1959) atxilotu du Rio de Janeiron, ETArekin lotuta, Espainiako Gobernuko Barne Ministerioak esan duenez. Espainiako Poliziarekin elkarlanean egin du operazioa Brasilgoak.
Ministerioaren arabera, 1991tik zegoen ihes eginda Vizan, orduan ETAren Bizkaia komandoa desegin zutenetik. Haren kontrako euroagindua zegoen, 1988an polizia baten auto azpian bonba jartzea leporatuta —zauritu egin zen polizia—.
Euskal herritarrak urteak zeramatzan Brasilen bizitzen, ETAk emandako agiri faltsuekin, iturri hark dioenez.
