Josu Ginea presoaren Larrabetzuko (Bizkaia) bi lagunek auto istripua izan dute pasa den asteburuan Estremerako espetxetik Euskal Herrira bueltan zetozela. Etxeratek salatu duenez, sakabanaketan aurten eragin duen hamargarren istripua da.
Etxeraten arabera, Honrubia herrian gertatu zen ezbeharra, autoarekin bide baztarra jota. Kolpea handia izan bazen ere, Ginearen bi lagunak onik daudela jakinarazi du Etxeratek.
