Zatiketa dago Arabako PSE-EEn, eta herrialdeko alderdiaren kongresuan gutxienik bi hautagai izango dira idazkari nagusitzarako. Izan ere, egungo arduradunak jakinarazi du aurkeztu egingo dela: Txarli Prietok. Juan Carlos Alonso Gasteizko PSE-EEko zinegotziak, berriz, gaur aurkeztu du hautagai izateko asmoa.
Hamabosten bat lagun izan ditu prentsaurrekoan ondoan. Haien artean, Yolanda Vicente Espainiako senataria eta Oscar Rodriguez eusko legebiltzarkide ohia. Alonsok esan du Arabako PSEko ildo kritikoak urtebete daramala ideiak eta antolaketa eredua lantzen. Bilera horiek ezin izan dituzte alderdiaren egoitzatan egin, barne mailako egituraketa administratiboagatik, haren arabera. Gaur, ordea, Arabako PSEren egoitza nagusian eman dute prentsaurrekoa, Gasteizen.
Alderdi irekiagoa eta "gardenagoa" nahi du Alonsok, militanteengana eta herritarrengana hobeto iristeko. Uste du PSEk "sinesgarritasuna irabazi" beharra duela. Helburua, "eskubia garaitzea" da.
Otsailaren 17an egingo du Arabako alderdi sozialistak Kongresua.
