Juan Gomez eta Diego Ugarte ustezko etakideak Belgikan epaituko dituzte agiriak faltsutzeagatik

Atzo Belgikan atxilotutako bi euskal herritarrak Jon Gomez Lopez eta Diego Ugarte Lopez de Arkaute direla baieztatu du gaur herrialde hartako Fiskaltzak, eta, gainera, agiriak faltsutzea eta egiazkoak balira bezala erabiltzea egotzi die. Ondorioz, ustezko ETAko bi kideak Belgikan, Monseko Auzitegian, epaituko dituzte agiriak faltsutzeagatik. Nolanahi ere, kasua daraman epaileak lau atxilotze agindu eman ditu euskal herritar horien kontra: bi Belgikako legediaren araberakoak, eta beste bi euro-agindu. Euro-aginduek Espainiaren eskaerei erantzuten diete, eta bi lagun horien estradizioa izan dezakete ondorio.