Baina poesiaz gain beste zenbait genero ere landu ditu: hala nola,biografia eta saiakera. Hain justu, saiakeraren arloan ahozko tradizioari buruz, bertsolaritzaren inguruan, ikertu zuen. Oiartzun jaioterriko kantuen bilduma bat ere osatu zuen.
1927ko azaroaren 11n jaio zen Lekuona, Oiartzunen (Gipuzkoa). ManueL Lekuona apaiz, euskaltzain eta ikerlariaren iloba, harengandik jaso zuen kulturarenganako grina. Apaiz egin zen bera ere, euskaltzain ere hautatu zuten, eta Deustuko Unibertsitateko irakasle jardun zuen hainbat urtez.
16 urte zituela agertu bide zion Manuel osabari olerkigintzarako zaletasuna. Hain justu, osabak bidalitako liburuei esker lortu zuen XIX. eta XX. mendeko poeta handienen ezagutza. Azken urteak gaixo egin ditu, bart goizaldeko ordubiak aldera zendu den arte.
Zehazki, 1953an Erromara joan zen Teologia Espirituala ikastera, eta urte berean euskaltzain urgazle izendatu zuten. 1987an hautatu zuten euskaltzain oso, osaba Manuel Lekuonak hutsik utzitako lekua betetzeko. Hain justu, Euskaltzaindiaren Gipuzkoako ordezkari izan zen hainbat urtez, eta Literatura batzordean lan handia egin zuen.
Idazle gisa poesian nabarmendu zen: Ilargiaren Eskolan lanarekin Euskadi Saria irabazi zuen 1979an, eta sari bera 1990ean Mimodramak eta ikonoak obrarekin.
Oiartzungo Kultur Etxean jarri dute hil kapera, eta hiletak bihar egingo dituzte, arratsaldeko zazpietan, Oiartzungo San Esteban elizan.
BIBLIOGRAFIA:
Poesia:
Mindura gaur
1966, Apaiztegia
Muga beroak
1973, Gero
Ilargiaren eskolan
1979, Erein
Mimodramak eta ikonoak
1990, Erein
Ibilaldia. Itinerario
1996, EHU-UPV
XX. mendeko poesia kaierak - Juan Mari Lekuona
2000, Susa
Saiakera:
Ahozko euskal literatura
1982, Erein
Ikaskuntzak Euskal Literaturaz (1974-1996)
1998, Deustuko Unibertsitatea
Biografia:
Manuel Lekuona (1894-1987)
1988, Eusko Jaurlaritza
Manuel Lekuona Etxabeguren
1995, Eusko Ikaskuntza
Kantuak:
Oiartzungo kantutegia
1999, Oiartzungo Udala
Antologia:
1685eko Kopla Zaharrak
1992, Eibarko Udala
LOTURAK
Armiarma, literaturaren sarean
Klasikoak
Gipuzkoa Kultura
Literatura
Juan Mari Lekuona poeta handia hil da
Juan Mari Lekuona (Oiartzun, 1927) zendu da bart. Euskal literaturan, batik bat, poesiagintzan, arrasto sakona utzi du Lekuonaren obrak, eta ahozko tradizioan oinarritutako bertsogintzarekin ere harreman handia izan du. 1966an kaleratu zuen lehen poema liburua, =i Mindura gaur =i, eta 2000.ean, Susa argitaletxearen =i XX. mendeko poesia kaieretan=i argitaratu zen haren izeneko azkena. Euskaltzain osoa eta apaiza ere bazen. Oiartzungo (Gipuzkoa) Kultur Etxean jarri dute hil kapera, eta hiletak bihar arratsaldeko zazpietan egingo dituzte San Esteban parrokian.
Iruzkinak
Ez dago iruzkinik
Ordenatu
