Juanjo Urrutiari azken agurra egingo diote bihar Soraluzen

Otsailaren 28an Uruguayn hildako Juanjo Urrutia euskal iheslariaren errautsak zekartzaten gurasoei harrera egin diete gaur, Euskal Herrira heldu bezain laster. Loiuko aireportuan hogeita hamar lagun inguru bildu dira. Ikurrinen artean, Urrutiaren amak ezin izan ditu negar malkoak gorde, eskutan semearen errautsak egurrezko kutxa batean zituela. Eguraldi hotza ahaztuta, harrera hunkigarria izan da.