Julio Lafuente Algebrako katedraduna hautatu dute NUP Nafarroako Unibertsitate Publikoko errektore. Gaur egin dute bigarren itzuliko bozketa: Lafuente Antonio Purroirekin lehiatu da buruz buru, eta boto ponderatuen %53,17 eskuratu ditu. Purroik, berriz, %46,83 jaso ditu.
Lehen itzulian ere Lafuentek aurrea hartu zion Purroiri, botoen %38,37rekin. Purrok %36,67 eskuratu zituen, eta lehiatik kanpo geratu zen orduan Juan Cabases errektore izateko hautagai aurkeztu zen hirugarrena.
Irakasle kontratatuen eta administrazioko eta zerbitzuetako langileen egoerari eta lan baldintzei buruzko eztabaidak izan dira azken hilabeteotan NUPen zalaparta gehien sortu dutenak, hain zuzen ere. Arazo horri egin beharko dio aurre errektore berriak, eta kanpainan irakasle kontratatuek eta langileek Lafuenteren aldeko hautua egin dute egoera konpontzeko.
Julio Lafuente aukeratu dute NUPeko errektore
Boto ponderatuen %53,17 eskuratu ditu. Bigarren itzulian harekin lehiatu den Antonio Purroik, berriz, %46,83. Algebrako katedraduna da errektore berria.
Iruzkinak
Ez dago iruzkinik
Ordenatu
