Justizia Sailaren sexu diskriminazioa salatu dute

GASTEIZ. Eusko Jaurlaritzako Justizia Sailburuordetzak emakume baten aurkako sexu diskriminazioa egin duela salatu du ELA sindikatuak. Libre zegoen postu baterako eskaria ukatu zioten, baldintzak betetzen ez zituela argudiatuta. ELAren ustez, ukatu zioten edoskitze orduen pilaketagatik baimena hartu zuelako, eta, ondorioz, sexuagatik bereizkeria egin izana salatu du. Erabakia atzera botatzeko eskatu du ELAk.