Kale erasoak izan dira Azpeitian, Lekeition eta Plentzian

Aurpegia estalita zeramaten hiru lagunek Euskotreneko autobus bat erre zuten atzo Azpeitian (Gipuzkoa). Lekeition (Bizkaia) molotov koktelak jaurti zituzten Bake Epaitegira, eta Plentzian (Bizkaia) kutxazain automatiko bati egin zioten eraso.

21:30ean erre zuten autobusa Azpeitian. Hiru kaputxadun geltokira joan ziren, autobus barruko jendea atera, eta su eman zioten. Autobus geltokiaren ondoan aparkatuta zegoen kamioi bat ere erre egin zen.

23:55ean izan zen Plentziako erasoa. Aurpegia estalitako lagun batzuk Erribera kaleko BBK, BBVA eta La Caixako kutxazain automatikoetara molotov koktelak jaurti zituzten.

Lekeition ere molotov koktelak erabali zituzten Bake Epaitegiaren kontrako erasorako. 00:10 inguruan gertatu zen, eta hainbat kristal puskatu zituzten.