Bart hiru kale eraso izan dira Euskal Herrian: Gasteizen, Donostian eta Pasaian (Gipuzkoa).
Gasteizen, etxean egindako lehergailu batek eztanda egin du Nafarroako Erregeak kalean 01:30ean, Ertzaintzaren arabera, eta ondoan zeuden Udalaren bi ibilgailu erre egin ditu; horietako bat kiskalita geratu da eta besteak kalte garrantzitsuak dauzka.
Donostian atzo 23:00ak aldera izan zen erasoa, Mirakruz kalean. Ezezagun batzuek Bankoa banketxearen kutxazain automatiko bat erre zuten. Sutearen ondorioz, eraikina belztuta geratu da.
Pasaian 04:15ean izan da gertaera. Ezezagun batzuek edukiontzi bat erre dute Donibane kalean. Ondoan zegoen moto batek kalteak izan ditu.
Kale erasoak
Kale erasoak izan dira Gasteizen, Donostian eta Pasaian bart
Udalaren bi ibilgailu, kutxazain bat eta edukiontzi bat erre dituzte.
Iruzkinak
Ez dago iruzkinik
Ordenatu
