KALEAN BERRIZ, BORTXAKETEN AURKA

Tafallako Andrelanetik elkarteak deituta, manifestazioa egin zuten atzo herrian, hilabete hasieran emakume bat bortxatu zutela salatzeko. Emakumeak eta gizonak elkar ezagutzen zuten, eta emakumeari etxera itzultzeko berandu egin zitzaiola eta, erasotzailearen etxean geratu zen lotan. Gizona haren logelan sartu zen, jipoitu eta hiru aldiz bortxatu zuen. Andrelanetik-ek nabarmendu du ez dela erantzunik gabeko eraso gehiagorik egongo.