Kaleetako ikur frankistak kendu dituzte Galdakaon

GALDAKAO. Herria bonbardatu zutela justu 75 urte bete berri direnean, Galdakao Bizirik-Ezker Anitza taldeak ikur frankistak kendu ditu Bizkaiko herri horretako kaleetatik. Frankismoan jarritako kale izen batzuen txartelak kendu dituzte, eta udalari eskatu diote oraindik gelditzen diren ikurrak ordezkatzeko. «Duintasunagatik» egin beharreko lantzat jo du taldeak ekimena, baina legeak hala agintzen duela ere gogorarazi du.