Ohiko etxebizitzatik kaleratzeko prozesuan dauden Bilboko biztanleek doako laguntza juridikoa izango dute aurrerantzean. Bilboko Auzo Elkarteen Federazioak abiatu du egitasmoa, halako egoeran daudenen «erabateko babesgabetasunari» erreparatuta. Atzo prentsaurrekoan zehaztu zuenez, «lege aholkularitza eta laguntza zerbitzua» emango ditu, prozesuan daudenek etxea gal eta zorra handi ez dezaten.
«Elkartasunak» harrarazi dio neurria federazioari: «Kaleratzeek eragindako eraso sozialak konpontzen lagundu nahi dugu». Indarrean dagoen araudia kritikatu du, besteak beste, zorra etxearen truke kitatzeko aukerarik ematen ez duelako. Hori dela eta, kaleratzeak gelditzeko eskatzen duten taldeekin bat egin dute auzo elkarteek, eta «neurri eraginkorrak» galdegin.
Kaleratze prozesuan daudenei laguntza emango diete Bilboko auzo elkarteek
Iruzkinak
Ez dago iruzkinik
Ordenatu
