AZPEITIA.-Osalan Laneko Segurtasun eta Osasunerako Euskal Erakundeak jakinarazi duenez, J.J.O.C. kamioi gidaria harrobian ari zen lanean ezbeharra gertatu denean. Oraindik ez dakite istripua zerk eragin duen, baina Ertzaintzak esan duenez 50 metroko altuera batean ari zen lanean kamioiarekin istripua gertatu denean. Suhiltzaileek erreskatatu behar izan dute gorpua eta Donostiako Patologia Forentse Zerbitzura eraman dute, autopsia egin diezaioten.
Bi zauritu Ortuellan eta bat Mañarian
Gizon bat eta emakume bat zauritu dira, gaur, Ortuellan (Bizkaia) lanean ari zirela makina batek eztanda egin ostean. Ertzaintzak eta DYAk jakinarazi dutenez lan istripua arratsaldeko ordubata eta erdiak aldera gertatu da eta bi langilean Gurutzetako ospitalera eraman dituzte. Batek zauria zuen buruan.
DYA sorospen zerbitzuek azaldu dutenez zaurituen diagnostikoa erreserbatua da baina hainbat datu eman dituzte. Zaurituak B.M.N. 28 urteko Barakaldoko emakume bat eta I.L.L. 31 urteko Portugaleteko gizon bat dira.
Gainera, beste lagile bat ere zauritu da gaur Mañarian (Bizkaia) bi metrotako altueratik behera erori ostean. Eraikuntza lanetan ari zen L.M.S. 52 urteko gizon gipuzkoarra istripua izan duenean. Galdakaoko (Bizkaia) erietxean artatu dute.
Lan istripua
Kamioi gidari bat hil da Azpeitian, lan istripuan
41 urteko gizonezko bat zendu da gaur goizean Azpeitiako (Gipuzkoa) Sistiaga harrobian. Antza denez, gidatzen ari zen kamioia irauli eta gidaria pendoitzean behera erori da. Ezbeharra, 11:50ean gertatu da eta istripua gertatu den unean hil da kamioilaria. Bestetik, bi langile zauritu dira Ortuellan makina batek eztanda egin ostean eta beste bat Mañarian.
Iruzkinak
Ez dago iruzkinik
Ordenatu
