Kanboko Udalak eta Euskal Konfederazioak hitzarmena izenpetu dute

Euskal Konfederazioak eta Kanboko Udalak (Lapurdi) ituna izenpetu zuten atzo argazkian ekitaldia, Herriko Etxeetan euskararen erabilera bultzatzeko asmoz daramaten ekimenaren barruan. Ipar Euskal Herriko 36 udalerrik izenpetu dute ja hitzarmena. Joan den astean Ziburuk (Lapurdi) izenpetu zuen, eta aurki Zuberoako hainbat herrik eginen dute. Administrazio Lexikoa argitaratu berria ere aurkeztu zuten; 2.000 hitz bildu dituzte bertan.