Kanboko (Lapurdi) bi solairuko etxe batean sute bat piztu zen atzo, 19:30 aldera, eta 62 urteko gizon bat hil da. Eraikinean beste hogei lagun zeuden sutea hasi zenean, baina horiek onik irtetea lortu dute.
Gorpua beheko solairuko etxebizitza batean topatu dute erreskate zerbitzuek. Oraindik ez dute baieztatu nor den, baina, lehen hipotesien arabera, etxebizitza horretan bizi zen gizon bat da.