Karrantzako (Bizkaia) Biañezko San Andres elizaren kanpoaldean brontzezko estatua bat lapurtu dutela salatu du gaur udalak ohar baten bidez.
Josep Montserrat Portella eskultorearen lana da, eta 300.000 euro baino gehiagoko balioa du. Estatua horretan Romualdo Txabarri irudikatzen da.
Udalaren arabera, 11:30ean gertatu da lapurreta. Goizean hainbat langilek estatua ikusi dutela azaldu du. Eskultura zutik mantentzen zuen oinarria "lekuz kanpo" zegoela eta, lapurreta izan dela uste du.
Udalak jakinarazi du Karrantzako bailarako "ondare kulturalaren eta elizako ondarearen" eskultura garrantzitsuenetakoa dela hori.
Ertzaintzak ikerketa abiatu du.
