Iragan ostiral arratsean, gizon batek emazte bati eraso zion labanaz. Hamar bat labankada eman zizkion, ikerketaren lehen zantzuen arabera. Gizona ihesi joan zen erasoaren ostean, eta Frantziako Polizia haren bila aritu zen; azkenean, igandean atxilotu zuten, Ziburun. Lehen ikerketaren arabera, ez dago «harreman jakinik» bien artean.
Gizonezkoak Baionako Justizia Auzitegian deklaratu du, eta hura espetxeratzeko agindu dute. Homizidio saio bat egitea leporatu diote. Larriki zauriturik dago 40 bat urteko emakumea, erietxean, baina, medikuen arabera, arriskutik kanpo dago.
