Nafarroako senar-emazte batzuk hil ziren astelehenean Almerian (Espainia) izandako istripu batean, kamioi batek eta auto batek elkar jo ondoren. Almeriako 4. Instrukzioko Epaitegiak bermerik gabeko kartzelaldia ezarri dio kamioi gidariari, zuhurtziagabekeriazko giza hilketa delitua leporatuta. Gidariak drogetan positibo eman zuen, istripua gertatu ondoren Guardia Zibilak egindako testean; substantzia estupefazienteen kontsumoan eman zuen positibo, hain zuzen.
Hil ziren senar-emazteen bi haur adingabeak larri zauritu ziren, eta ospitalera eraman zituzten.
