James Wright Foley kazetari estatubatuarra duela bi urte bahitu zuten Sirian. Orain, Estatu Islamikoak hil egin duela aldarrikatu du eta beste kazetari batekin, Steven Sotloffekin, gauza bera egingo duela ohartarazi du. Miliziak atzo zabaldutako bideoan dio AEBen bonbardaketei erantzuteko hil dutela kazetaria.
Bideoaren amaieran beste bahitu bat agertzen da irudietan, miliziaren esanetan, 2013tik desagertuta dagoen Steven Sotloff kazetaria da. Haren aldamenean dagoen ekintzaileak hala ohartarazten dio AEBetako Gobernuari: "Estatubatuar honen bizia, Obama, zure hurrengo erabakiaren menpe dago".
Irudiak egiazkoak ote diren berresteko lanetan ari dira uneotan AEBetako segurtasun indarrak.
