Twitterren zabaldu duen mezu baten bidez, Aitzina gazte antolakundeak salatu du hiru gazte komisarian deklaratzera deitu dituztela frantses hutsezko bide seinaleen lapurretan parte hartu izanagatik.
Kasik 2 urte beranto, Aitzinako 3 militante komisaldegian deklaratzerat deituak. Zutik eta tinko, gazteria aitzina! pic.twitter.com/MRHN7RrjxB
— Aitzina antolakundea (@Aitzinagazte) February 10, 2016
2014ko uztailaren 14an, gazte antolakundeak agerraldia egin zuen Baionako geltokian, Ipar Euskal Herriko herrien izenak erakusten dituzten frantsesezko bide seinaleak lapurtu eta Parisera bidaltzen zituztela jakinaraziz. Urri hasieran polizia operazioa egin zuen jendarmeriak gazte bat atxilotu eta Aitzinaren Baionako lokala miatuz. Ondoren beste hiru gazte ere atxilotu zituzten. Kontseilu Nagusiak jarritako salaketa bati erantzun zioten atxiloketek.
Aitzinak ez du momentuz adierazpenik egin nahi izan, baina deitoratu du, bi urte berantago gazte antolakundearen kontrako jazarpenarekin segitzen dutela.
