Aldeko 180 boto jaso ditu PPren proposamenak, eta kontra, 137. Soilik parlamentari popularrek bozkatu dute justizia unibertsalaren legea mugatzeko proposamenaren alde, eta gainontzeko alderdi guztiek aurka bozkatu dute. Erreformak Senatutik pasatu beharko du orain.
Erreformak mugatu egiten ditu Espainiako epaileek har ditzaketen kasuak Espainiako justiziaren mugetatik kanpo. Orain espainiarrei leporatutako genozidio kasuak soilik epaitu ahal izango dituzte, edo herritartasun espainiarra duten atzerriko herritarrei leporatutakoak, betiere herritartasuna delituaren ostean hartu badute edo euren estradizioa ukatu badu Espainiak.
