“Konponbideen atea ixtea” leporatu diote fiskalari 18/98ko auzipetuek

18/98 sumarioan auzipetuta dauden euskal herritarrek euren egoera salatzeko prentsa agerraldia egin dute gaur. Besteak beste, Euskal Herriko gatazkan “konponbideen atea ixtea” leporatu diote akusazioko fiskalari. “19 urteko espetxe zigorrak eskatu ditu fiskalak eta hori oso larria da. Honen guztiaren atzean PSOEren ildo errepresiboa dagoela uste dugu”, salatu du Mikel Korta auzipetuak

Halaber, 18/98 sumarioa “eskubide politiko eta zibilen aurkako eraso bat” dela azpimarratu dute, eta euskal gizarteari honen aurrean erantzuteko eskatu diote. Datorren larunbatean, auzipetuen aldeko ekitaldia antolatu dute Bilboko Ayala antzokian.